सुकुम्वासीमाथि सरकारले दमन गरेको आरोप लगाउँदै आइतबार काठमाडौंको माइतीघर मण्डलामा प्रदर्शन गरिएको छ।
होल्डिङ सेन्टरको व्यवस्थापनप्रति असन्तुष्टि जनाउँदै प्रदर्शनमा उत्रिएका सुकुम्वासी तथा विभिन्न संघ–संगठनका प्रतिनिधिहरूले सरकारविरुद्ध नाराबाजी गरेका थिए। उनीहरूले गैरन्यायिक पक्राउ, दमन र उचित व्यवस्थापनको अभावको विरोध गर्दै सरकारसँग तत्काल सुरक्षित र सम्मानजनक व्यवस्थापनको माग गरेका छन्।
संयुक्त राष्ट्रिय सुकुम्वासी मोर्चा, नेपालका कार्यवाहक अध्यक्ष नारायण परिश्रमीले सरकारले सुकुम्वासीमाथि अन्याय गरेको आरोप लगाउँदै समस्या समाधान नभए देशव्यापी आन्दोलन गर्ने चेतावनी दिए।
प्रदर्शनका क्रममा ‘सुकुम्वासीमाथिको अन्याय बन्द गर’, ‘जनताको आवाज दबाउन पाइँदैन’ लगायतका नारासहित प्लेकार्ड प्रदर्शन गरिएको थियो।
Discussion about this post