नेपाली शेयर बजारमा लगातार दोस्रो कारोबार दिन पनि सुधार देखिएको छ। हिजो उच्च अङ्कले बढेको नेप्से परिसूचक आज ८.७८ अङ्कले बढेर २ हजार ६६१.७१ विन्दुमा पुगेको छ।
आज बैंक, फाइनान्स, जीवन बीमा, माइक्रोफाइनान्स र म्युचल फन्ड समूहबाहेक अधिकांश समूहको सूचक घटे पनि बैंकिङ समूहको सूचक करिब २ प्रतिशतले बढेपछि समग्र बजार हरियो बनेको हो।
कारोबारमा १०९ वटा कम्पनीको शेयर मूल्य बढ्दा १५३ वटाको घटेको छ भने १३ वटा कम्पनीको मूल्य स्थिर रहेको छ।
अपर लोहोरे खोला हाइड्रोपावर, कलङ्गा हाइड्रो, स्नो रिभर्स र सानीगाड हाइड्रोपावरको शेयर मूल्य १५ प्रतिशतले बढेको छ। यता एनआईसी एशिया डिबेन्चरको मूल्य भने साढे १० प्रतिशतभन्दा बढीले घटेको छ।
कारोबार रकम पनि बढेको छ। हिजो ३ अर्ब ८६ करोड रुपैयाँ बराबरको कारोबार भएकोमा आज ३५९ कम्पनीका ८९ लाख ६४ हजार कित्ता शेयर ४ अर्ब ११ करोड रुपैयाँमा किनबेच भएको छ।
Discussion about this post