त्रिभुवन विश्वविद्यालय (त्रिवि) सेवा आयोगको अध्यक्षमा नेपाल सरकारका पूर्वसचिव तथा वरिष्ठ सहरी योजनाविद् किशोर थापा नियुक्त हुनुभएको छ।
प्रधानमन्त्री तथा त्रिभुवन विश्वविद्यालयका कुलपति वालेन्द्र शाह ले थापालाई सेवा आयोगको अध्यक्षमा नियुक्त गर्नुभएको हो।
यसैगरी, सेवा आयोगको सदस्यमा रेजिना मास्के नियुक्त हुनुभएको छ। शिक्षा तथा खेलकुदमन्त्री तथा त्रिभुवन विश्वविद्यालयका सहकुलपति सस्मित पोखरेल को नेतृत्वमा गठित सिफारिस समितिले आवेदनहरूको अध्ययन, मूल्याङ्कन र अन्तर्वार्तापछि अध्यक्ष पदका लागि तीन जनाको नाम कुलपतिसमक्ष सिफारिस गरेको थियो।
सोही सिफारिसका आधारमा कुलपति शाहले थापालाई अध्यक्षमा नियुक्त गर्नुभएको हो।
आर्किटेक्ट तथा सहरी योजनाविद्का रूपमा परिचित किशोर थापाले नेपाल सरकारको निजामती सेवामा चार दशकभन्दा बढी समय विभिन्न जिम्मेवारी सम्हाल्दै काम गर्नुभएको छ।
Discussion about this post