राष्ट्रिय स्वतन्त्र पार्टी (रास्वपा) को केन्द्रीय सदस्य पदका लागि भएको मतदान सम्पन्न भएको छ । रास्वपाको केन्द्रीय निर्वाचन आयोगका अनुसार गएराति १२ बजेदेखि सुरु भएको मतदान आज दिउँसो साढे १२ बजे सम्पन्न भएको हो ।
महाधिवेशनमा ४ हजार १०० जना प्रतिनिधि रहेकामा करिब ३ हजार ९५० मत खसेको रास्वपाले अनुमान गरेको छ । विद्युतीय मेसिनबाट मतदान भएकाले परिणाम २ घण्टाभित्र सार्वजनिक हुने आयोगले जनाएको छ ।
चितवनको भरतपुरमा जारी महाधिवेशनअन्तर्गत पहिलो चरणमा ९९ जना सदस्यका लागि मतदान सम्पन्न भएसँगै अब दोस्रो चरणको निर्वाचन प्रक्रिया अघि बढ्नेछ । दोस्रो चरणमा २ उपसभापति, १ महामन्त्री र ३ सहमहामन्त्री गरी ६ पदाधिकारी चयन हुनेछन् ।
रास्वपाको पहिलो राष्ट्रिय महाधिवेशन यही असार ७ गतेदेखि सुरु भएको हो ।
Discussion about this post