प्रतिनिधिसभाको भोलि बिहीबार बिहान ११ बजे बस्ने भनिएको बैठक अब पर्सि शुक्रबार दिउँसो १ बजेका लागि सारिएको छ। सङ्घीय संसद् सचिवालयले आज सूचना जारी गर्दै बैठकको मिति र समय परिवर्तन गरिएको जानकारी दिएको हो।
सचिवालयका अनुसार प्रतिनिधिसभा नियमावली २०८३ को नियम ६ को उपनियम (३) बमोजिम सभामुखले बैठक सार्ने निर्णय गरेका हुन्।
यसअघि निर्धारित समयअनुसार बैठक बिहीबार बस्ने तय भएको थियो। तर चितवनमा जारी रहेको राष्ट्रिय स्वतन्त्र पार्टी (रास्वपा) को महाधिवेशन प्रभावित भएपछि संसद् बैठक तालिका पनि प्रभावित भएको बताइएको छ।
प्रतिनिधिसभामा रास्वपाका १८२ जना सांसद रहेका छन्।
Discussion about this post