नेपाली कम्युनिष्ट पार्टी (नेकपा) का सांसद तथा पूर्वअर्थमन्त्री वर्षमान पुनले आफूबाटै छानबिन सुरु गर्न अर्थमन्त्री डा. स्वर्णिम वाग्लेलाई चुनौती दिएका छन्।
सरकारले ल्याएको बजेटमा करका दर हेरफेर भएको विषयमा संसद्मा विपक्षी सांसदहरूले प्रश्न उठाउँदा अर्थमन्त्री वाग्लेले धम्कीपूर्ण अभिव्यक्ति दिएको भन्दै पुनले छानबिनको माग गरेका हुन्।
“त्यो कुरा उठाउँदा तिम्रा फाइल पनि खुल्छन् भनेर धम्की दिने! खुलोस् सम्माननीयज्यू, मेरैबाट सुरु होस्,” पुनले भने।
उनले अर्थमन्त्री वाग्लेले संसद् तथा संसदीय समितिमा खुलेआम धम्की दिएको आरोपसमेत लगाए। कार्यपालिकाका सदस्य संसद्प्रति उत्तरदायी हुनुपर्ने भन्दै पुनले प्रश्न उठाउँदैमा धम्की दिनु अस्वीकार्य भएको टिप्पणी गरे।
पुनका अनुसार आपराधिक कार्यलाई पुराना र नयाँ भनेर विषयान्तर गर्न नहुने भन्दै सबै विषयमा समान छानबिन हुनुपर्ने आवश्यकता छ।
Discussion about this post