प्रधानमन्त्री बालेन्द्र (बालेन) शाहले सांसद सुधन गुरुङलाई गृहमन्त्रीमा नियुक्त गर्न राष्ट्रपति रामचन्द्र पौडेलसमक्ष सिफारिस गर्नुभएको छ । सिफारिसअनुसार गुरुङले आज दिउँसो ३ बजे राष्ट्रपतिबाट पद तथा गोपनीयताको शपथ लिने तयारी गरिएको छ ।
यसअघि गुरुङ गत चैत १३ गते गृहमन्त्रीमा नियुक्त हुनुभएको थियो । तर सम्पत्ति विवरणसम्बन्धी प्रश्न उठेपछि उहाँले राजीनामा दिनुभएको थियो ।
आज बसेको मन्त्रिपरिषद् बैठकले पूर्वगृहमन्त्री गुरुङसँग सम्बन्धित विषयमा अध्ययन तथा छानबिन गर्न गठित समितिको प्रतिवेदन ग्रहण गरेपछि उहाँ पुनः गृह मन्त्रालयमा फर्कने प्रक्रिया अघि बढेको हो ।
यस्तै, विज्ञान, प्रविधि तथा नवप्रवर्तन मन्त्रीका लागि महावीर पुनलाई सरकारद्वारा सिफारिस गरिएको छ । उहाँले पनि आजै राष्ट्रपतिसमक्ष पद तथा गोपनीयताको शपथ लिने कार्यक्रम रहेको बताइएको छ ।
Discussion about this post