अभिनेता Rajesh Hamal ले सीमा सम्बन्धी बहसमा ‘सीमापार अतिक्रमण’ र ‘राज्य–प्रायोजित भू–अतिक्रमण’लाई एउटै रूपमा बुझ्न नहुने बताएका छन्।
शुक्रबार फेसबुकमार्फत धारणा सार्वजनिक गर्दै उनले दुवै विषयको प्रकृति फरक रहेको उल्लेख गरेका हुन्। समसामयिक बहस र प्रधानमन्त्री Balen Shah को अभिव्यक्तिको सन्दर्भबीच उनले आफ्नो विचार राखेका हुन्।
हमालका अनुसार आजको जटिल विश्व राजनीतिक परिस्थितिमा राष्ट्रको नेतृत्व गर्ने व्यक्तिमा परिपक्वता, अनुभव र दूरदृष्टि अनिवार्य हुन्छ।
सीमा विवादबारे धेरैले ‘सीमापार अतिक्रमण’ र ‘राज्य–प्रायोजित भू–अतिक्रमण’लाई एउटै अर्थमा बुझ्ने गरे पनि व्यवहारमा ती फरक भएको उनको भनाइ छ। सीमापार अतिक्रमणलाई उनले स्थानीय र प्रशासनिक प्रकृतिको समस्या भन्दै नदीको धार परिवर्तन, सीमा स्तम्भ हराउने वा बस्ती विस्तारजस्ता घटनालाई प्राकृतिक तथा ऐतिहासिक प्रक्रियासँग जोडेर व्याख्या गरेका छन्।
तर राज्य–प्रायोजित भू–अतिक्रमण भने राज्य संरचना नै संलग्न भएर हुने रणनीतिक विस्तार हुने भन्दै उनले कालापानी–लिपुलेक–लिम्पियाधुरा क्षेत्रलाई यसको उदाहरणका रूपमा उल्लेख गरेका छन्।
Discussion about this post