परराष्ट्रमन्त्री शिशिर खनाल भारतको नयाँदिल्ली प्रस्थान
परराष्ट्रमन्त्री शिशिर खनाल औपचारिक भ्रमणका लागि भारतको नयाँदिल्ली प्रस्थान गरेका छन् । भारतीय विदेशमन्त्री डा. एस. जयशंकरको निमन्त्रणामा उनी शुक्रबार दिउँसो त्यसतर्फ प्रस्थान गरेका हुन् ।
प्रस्थान गर्नुअघि सञ्चारकर्मीसँग कुरा गर्दै मन्त्री खनालले रास्वपाको सरकार बनेपछिको यो पहिलो उच्चस्तरीय भ्रमण भएको उल्लेख गर्दै यसले नेपाल–भारतबीचको ऐतिहासिक तथा बहुआयामिक सम्बन्धलाई थप मजबुत बनाउने विश्वास व्यक्त गरे ।
परराष्ट्र मन्त्रालयका अनुसार भ्रमणका क्रममा मन्त्री खनालले नयाँदिल्लीमा भारतीय समकक्षी डा. जयशंकरसँग औपचारिक द्विपक्षीय भेटवार्ता गर्ने छन् । भेटमा नेपाल–भारत सम्बन्धका विविध आपसी हितका विषयमा गहन छलफल हुने बताइएको छ ।
मन्त्री खनाल आइतबार स्वदेश फर्किने कार्यक्रम रहेको मन्त्रालयले जनाएको छ
Discussion about this post