कञ्चनपुर । कला र सिर्जनामा सक्रिय ‘टिम महेन्द्रनगर’ को नयाँ सर्ट फिल्म ‘न्याय’ सार्वजनिक भएको छ। समाजमा व्याप्त अन्याय र न्यायका लागि गरिने सङ्घर्षको विषयवस्तुलाई समेटेर तयार पारिएको यो फिल्म युट्युबमार्फत सार्वजनिक गरिएको हो।
यस सर्ट फिल्मको लेखन, निर्देशन र सम्पादन विक्रम क्षेत्री (धामी) ले गर्नुभएको हो। समाजको यथार्थपरक चित्रण गरिएको फिल्मलाई सुनिल सिंह र विक्रम क्षेत्रीले छायाङ्कन गर्नुभएको छ।
फिल्ममा स्थानीय कलाकारहरूको सशक्त अभिनय देख्न सकिन्छ। जसमा चेतन चन्द, पूजा परियार, सुनिल सिंह, अशोक धामी, रोबिन बिसी, दिनेश चौधरी र दिपेश राना मुख्य भूमिकामा रहेका छन्। कलाकारहरूले न्यायका लागि समाजमा देखिने चुनौती र पात्रहरूले भोग्नुपर्ने पीडालाई जीवन्त रूपमा प्रस्तुत गर्ने प्रयास गरेका छन्।
भिडियो हेर्नुहोस् 👇
Discussion about this post