काठमाडौं । नेपाली बजारमा आज सुनको मूल्य घटेको छ । नेपाल सुनचाँदी व्यवसायी महासङ्घका अनुसार आज सुनको मूल्य तोलामा रु १,१०० ले घटेर रु २,३७,२०० मा पुगेको छ ।
हिजो सुनको मूल्य तोलाको रु २,३८,३०० रहेको थियो ।
त्यस्तै, आज चाँदीको मूल्य पनि घटेको छ । महासङ्घका अनुसार चाँदी आज तोलामा रु २५ ले घटेर रु २,९९० मा कारोबार भइरहेको छ । हिजो चाँदीको मूल्य रु ३,०१५ प्रति तोला थियो ।
सुनचाँदीको मूल्य अन्तर्राष्ट्रिय बजारमा भइरहेको उतारचढावका कारण पछिल्ला दिनमा निरन्तर अस्थिर देखिएको व्यवसायीहरूले बताएका छन् ।
Discussion about this post