काठमाण्डौ – यू–१९ एसिया कप क्रिकेट प्रतियोगितामा नेपाली युवा टोलीले आज बलियो प्रतिद्वन्द्वी भारतसँग प्रतिस्पर्धा गर्दैछ ।
ओमानको अल अमेरातमा हुने नेपाल र भारतबीचको खेल नेपाली समयअनुसार बिहान पौने ११ बजे शुरु हुनेछ ।
प्रतियोगिताको समूह ‘ए’ मा रहेको नेपालले भारतसँग खेल्दै आफ्नो समूह चरणको यात्रा शुरु गर्नेछ । नेपालले समूह चरणको दोस्रो खेलमा कात्तिक २२ गते संयुक्त अरब इमिरेट्स (यूएई) र तेस्रो खेलमा कात्तिक २४ गते पाकिस्तानसँग प्रतिस्पर्धा गर्नेछ ।
कात्तिक २८ गतेसम्म सञ्चालन हुने प्रतियोगिताका लागि नेपालले विपिनप्रसाद शर्माको कप्तानीमा १५ सदस्यीय टोली घोषणा गरेको छ ।
नेपाली टोलीमा निरजकुमार यादव, प्रसिद्ध जैशी, सोहेल कुँवर, दर्श सुनार, रोहित चन्द, निश्चल क्षेत्री, आशिष लुहार, रोशन शाही, सूर्यान्शु कोइराला, अभय यादव, सुशील रावल, नितेशकुमार पटेल, शुभम खनाल र सचिन भट्ट रहेका छन् ।
भारतविरुद्धको खेलमा नेपाली युवा टोलीले कस्तो प्रदर्शन गर्छ भन्ने चासोका साथ समर्थकहरूले खेलको प्रतीक्षा गरिरहेका छन् ।
Discussion about this post