काठमाडौं । चाडपर्वलाई लक्षित गर्दै अग्रिम टिकट बुकिङ खुला भएसँगै काठमाडौंको नयाँ बसपार्कमा टिकट काट्ने यात्रुको भीड लागेको छ। बिहानैदेखि लामो तथा मध्यम दूरीका सवारीसाधनको टिकट लिन यात्रुहरू लाइनमा बसेका छन्।
नेपाल यातायात व्यवसायी राष्ट्रिय महासङ्घका अध्यक्ष पुण्यप्रसाद सिटौलाका अनुसार देशभरका विभिन्न गन्तव्यमा जाने सार्वजनिक यातायातको अग्रिम टिकट बुकिङ खुला गरिएको छ।
चाडपर्वका बेला हुन सक्ने आपराधिक गतिविधि नियन्त्रण गर्न बसपार्कसहित विभिन्न क्षेत्रमा सुरक्षा व्यवस्था कडा पारिएको प्रहरी प्रभाग नयाँ बसपार्कले जनाएको छ। यात्रुको सुरक्षाका लागि सादा पोसाकमा समेत प्रहरी परिचालन गरिएको छ।
यातायात व्यवस्था विभाग, नेपाल प्रहरी, यातायात व्यवसायी तथा मजदुरबीच भएको छलफलपछि चाडपर्वलक्षित अग्रिम टिकट बुकिङ खुला गर्ने निर्णय गरिएको हो।
Discussion about this post