काठमाडौं । नेपाली कांग्रेसको १५औँ महाधिवेशनअन्तर्गत आज १३ जिल्लामा संघीय निर्वाचन क्षेत्र तथा प्रदेश निर्वाचन क्षेत्रस्तरीय अधिवेशन हुँदैछ।
लगातारको वर्षाका कारण असोज १० गतेका लागि तय गरिएको अधिवेशन प्रभावित भएपछि केन्द्रीय निर्वाचन समितिले जिल्लाको मौसम र स्थानीय अवस्थाअनुसार असोज १३ गतेभित्र अधिवेशन सम्पन्न गर्न विकल्प दिएको थियो।
आज झापा, मोरङ, काठमाडौं, म्याग्दी, बागलुङ, अर्घाखाँची, प्युठान, बाँके, डोल्पा, मुगु, हुम्ला, कालिकोट र सुर्खेतमा अधिवेशन हुँदैछ।
त्यस्तै, सोमबार २९ जिल्लामा तथा असोज १३ गते सुनसरी, नुवाकोट, मकवानपुर, नवलपरासी, बर्दिया र दैलेखमा अधिवेशन गर्ने तयारी छ। इलाममा भने असोज १४ गते क्षेत्रीय अधिवेशन हुने तय भएको छ।
निर्वाचन समितिका अनुसार १७ जिल्लाले भने असोज १० मै क्षेत्रीय अधिवेशन सम्पन्न गरिसकेका छन्।
Discussion about this post