भारी वर्षाको पूर्वानुमानपछि विद्यालयलाई सतर्क रहन शिक्षा मन्त्रालयको आग्रह

काठमाण्डौ — ठूलो वर्षा, हिमपात, हावाहुरी र चट्याङको सम्भावना रहेकाले शिक्षा तथा खेलकुद मन्त्रालयले विद्यालयलाई आवश्यक पूर्वतयारी र सतर्कता अपनाउन आग्रह गरेको छ।

मन्त्रालयले सम्भावित जोखिमलाई ध्यानमा राख्दै स्थानीय तहसँग समन्वय गरी आज र भोलि आवश्यकताअनुसार विद्यालयमा बिदा दिन तथा परीक्षा स्थगित गर्न आग्रह गरेको हो।

मन्त्रालयले विद्यार्थीलाई नदी, खोला, पोखरी तथा पहिरोको जोखिम भएका क्षेत्रमा जान नदिन अभिभावकलाई समेत सचेत गराएको छ। सम्भावित विपद्बाट जोगिन विद्यालय र परिवार दुवै पक्षले आवश्यक सावधानी अपनाउन मन्त्रालयले अनुरोध गरेको छ।