निड्स नेपालको २७ औँ वार्षीक साधारण सभा तथा सामाजिक परिक्षण कार्यक्रम सम्पन्न

महेन्द्रनगर । राष्ट्रिय वातावरण तथा समविकास समाज नेपाल (निड्स नेपाल) ले आफनो २७ औँ वार्षीक साधारण सभा तथा सामाजिक परिक्षण कार्यक्रम सम्पन्न गरेको छ । संस्थाका अध्यक्ष दुर्गा खरेलको सभाध्यक्षता रहेको कार्यक्रको पमुख अतिथीमा जिल्ला समन्वय समिति प्रमुख दुर्गा दत्त बोहरा रहनु भएको थियो । यसैगरी विभिन्न संघसंस्थाका प्रतिनिधीहरु, निजि क्षेत्रका प्रतिनिधीहरु, संस्थाका कार्य समिति सदस्यहरु, कर्मचारीहरुलगायको उपश्थिती रहेको थियो । सुदूरपश्चिमकै अग्रणी सामाजिक संस्थाको रूपमा रहेको निड्स नेपालले आप्रवासन, विपद् व्यवस्थापन तथा जलवायु परिवर्तनको क्षेत्रलाई प्राथमिकतामा राखी कार्य गर्दै आएको छ । २०५५ साल फागुनमा कञ्चनपुरको बेलौरी बजारमा महिला समूह गठन गरी बचत सङ्कलनबाट सुरु गरेको यात्रा २७ वर्ष पूरा गर्दासम्म सामाजिक क्षेत्रमा देशव्यापी रूपमा पहिचान बनाउन सफल भएको छ । २०६० सालमा जिल्ला सदरमुकाम महेन्द्रनगरमा कार्यालय स्थापना गरी उद्यमशीलता, सीप र विपद् व्यवस्थापनका क्षेत्रमा काम सुरु गरेको थियो । विपद् व्यवस्थापन तथा जलवायु परिवर्तनलाई प्रमुख क्षेत्रको रूपमा लिएको निड्सले सुरक्षित आप्रवासन र आधारभूत मानवीय आवश्यकको सवालमा पनि समानान्तर रूपमा काम गर्दै आइरहेको निड्स नेपालका कार्यकारी निर्देशक भवराज रेग्मीले बताउनु भयो । २०५९ सालमा पहिलो साझेदारी नेपाल परिवार नियोजन संघ संग गरेको र अहिले विभिन्न दातृ निकायसंगको सहकार्यमा रहेर अहिले देशको ४ वटा प्रदेश १४ जिल्ला र २८ वटा पालिकममा २५० भन्दा बढी कर्मचारीहरु सदस्यहरुले काम गरीरहेको रहेको बताउनु भयो । आफनो स्रोत साधनको हिसावले ६० हजार घरधुरी र ३ लाख जनताको घरदैलोमा पुगेर काम गरीरहेको बताउनु भयो । ग्रामीण क्षेत्रबाट स्थापित निडस नेपालले सामाजिक न्याय र समृद्धिसहितको उत्थानशील समाज निर्माणको परिकल्पना गरेको जानकारी गराउनु भयो । निड्स नेपालले स्थानीय तहहरूसँग साझेदारी गर्दै विकट क्षेत्रमा नागरिकको जीवनस्तर उकास्न महत्वपूर्ण कार्य गरेको प्रमुख अतिथी बोहराले बताउनु भयो । जिल्लामा मात्रै नभएर राष्ट्रिय स्तरमा अग्रणी रुपमा संस्थापना भएको यो समुदाय स्तरमा मात्रै नभएर सरकारी कार्यालयले पनि आशा राखेको संस्थाको रुपमा रहेको बताउनु भयो । इमान्दारिता, पारदर्शिताको साथमा सबै क्षेत्रमा रहेर काम गरीरहेको यो संस्थाले विगतदेखी नै आफनो लक्ष्य उदेश्यमा रहेर आफनो कार्यसम्पादन गरेको बताउनु भयो ।