काठमाडौं । जापानमा जारी २०औँ एसियाली खेलकुदअन्तर्गत महिला भलिबलमा नेपाली टोलीले आज इन्डोनेसियासँग प्रतिस्पर्धा गर्दैछ।
नेपाल र इन्डोनेसियाबीचको खेल दिउँसो ४ बजे सुरु हुनेछ। समूह ‘ए’मा नेपालसहित आयोजक जापान र इन्डोनेसिया रहेका छन्। समूहका शीर्ष दुई टोली क्वार्टरफाइनलमा पुग्नेछन्।
नेपालले प्रतियोगिताको पहिलो खेलमा आयोजक जापानसँग ३–० को सोझो सेटमा हार बेहोरेको थियो। जापानले नेपाललाई २५–८, २५–१२ र २५–११ ले पराजित गरेको थियो।
पहिलो खेलमा पराजित भएपछि अंकविहीन रहेको नेपालका लागि इन्डोनेसियाविरुद्धको खेल क्वार्टरफाइनल यात्राका लागि महत्वपूर्ण बनेको छ। इन्डोनेसियालाई पराजित गरे नेपालले एक जितसहित समूह चरण पार गर्ने सम्भावना कायम राख्नेछ।
समूह ‘ए’को अन्तिम खेलमा जापान र इन्डोनेसियाबीच भोलि प्रतिस्पर्धा हुनेछ। उक्त खेलको नतिजाले समूहबाट क्वार्टरफाइनल पुग्ने टोलीको टुंगो लाग्नेछ।
Discussion about this post