बजारमा खाना पकाउने एलपी ग्यासको अभाव फेरि चुलिएको छ। नेपाल आयल निगमले नियमित आयात भइरहेको दाबी गरे पनि उपभोक्ताले ग्यासका लागि लाइन बस्न र पालो कुर्न बाध्य भएका छन्।
निगमका अनुसार आधा सिलिन्डरको सट्टा पुनः १४.२ केजीको भरी सिलिन्डर वितरण सुरु भएपछि एक्कासी माग बढेको हो। सामान्य अवस्थामा मासिक ४५–५० हजार मेट्रिक टन खपत हुने ग्यासको माग अहिले ६० हजार मेट्रिक टनसम्म पुगेको अनुमान गरिएको छ।
निगमले अनावश्यक रूपमा ग्यास सञ्चय नगर्न उपभोक्तालाई आग्रह गरेको छ। टेकु र साल्ट ट्रेडिङ कालीमाटीबाट पनि ग्यास वितरण भइरहेको भए पनि त्यहाँ समेत उपभोक्ताको लामो लाइन देखिएको छ।
Discussion about this post