जलवायु जोखिम न्यूनीकरणमा सरकारको जोड

सरकारले जलवायु परिवर्तनबाट उत्पन्न जोखिम न्यूनीकरण र प्राकृतिक स्रोत संरक्षणलाई प्राथमिकतामा राख्दै राष्ट्रिय चुरे संरक्षण आयोजनाका लागि ९७ करोड ७० लाख रुपैयाँ बजेट विनियोजन गरेको जनाएको छ।

कृषि, वन तथा वातावरणमन्त्री गीता चौधरीका अनुसार उक्त बजेटबाट पहिरो तथा गल्छी नियन्त्रण, नदी किनारा संरक्षण, सिमसार व्यवस्थापन र जलवायु उत्थानशील कृषि प्रवर्द्धनका कार्यक्रम सञ्चालन गरिनेछ। सरकारले जलाधार संरक्षण तथा व्यवस्थापनका लागि थप २३ करोड ९९ लाख रुपैयाँ पनि छुट्याएको छ।