एशियाली खेलकुद छनोटको फाइनलमा हङकङले नेपाललाई जितका लागि १८९ रनको लक्ष्य दिएको छ।
सिङ्गापुरमा टस हारेर पहिले ब्याटिङ गरेको हङकङले २० ओभरमा ७ विकेट गुमाउँदै १८८ रन बनाएको हो। हङकङका अंशुमन रथले ८० रन र शाहिद वासिफले ५५ रनको योगदान गरे। नेपालका शेर मल्लले ४ विकेट लिएर उत्कृष्ट प्रदर्शन गरे।
यसअघि सेमिफाइनलमा नेपालले ओमानलाई तथा हङकङले मलेशियालाई पराजित गर्दै फाइनलमा प्रवेश गरेका थिए। अपराजित रहँदै नेपाल र हङकङ दुवै टोली उपाधिनजिक पुगेका हुन्।
यस्तै, तेस्रो स्थानका लागि भएको खेलमा मलेशियाले ओमानलाई ८ विकेटले पराजित गर्दै प्रतियोगितामा तेस्रो स्थान हासिल गरेको छ।
यस प्रतियोगिताबाट नेपाल, हङकङ, मलेशिया र ओमान एशियाली खेलकुदका लागि छनोट भएका छन्।
Discussion about this post