काठमाण्डौ । एशियाली खेलकुद पुरुष क्रिकेट छनोट प्रतियोगितामा नेपालले सेमिफाइनलमा ओमानसँग प्रतिस्पर्धा गर्ने भएको छ ।
सिंगापुरमा जारी प्रतियोगिताको लिग चरणको अन्तिम खेलमा हङकङले ओमानलाई १५४ रनले पराजित गरेपछि सेमिफाइनल समीकरण पूरा भएको हो । त्यससँगै समूह ‘ए’ बाट नेपाल र मलेसिया तथा समूह ‘बी’ बाट हङकङ र ओमान विजेता र उपविजेताका रूपमा सेमिफाइनलमा प्रवेश गरेका छन् ।
सेमिफाइनलमा नेपालले ओमानसँग तथा मलेसियाले हङकङसँग खेल्नेछन् । दुवै सेमिफाइनल खेल आउँदो आइतबार हुने कार्यक्रम रहेको छ ।
नेपालले समूह चरणमा उत्कृष्ट प्रदर्शन गर्दै पहिलो खेलमा चीनलाई २२१ रनले तथा दोस्रो खेलमा मलेसियालाई १६७ रनले पराजित गरेको थियो ।
Discussion about this post