सुदूरपश्चिम प्रदेशका मुख्यमन्त्री कमलबहादुर शाहविरुद्ध संसदीय दलमा अविश्वासको प्रस्ताव दर्ता भएको छ।
प्रदेश सभामा रहेका कांग्रेसका १८ प्रदेश सभासदस्यमध्ये ९ जनाले संसदीय दलमा दलका नेताविरुद्ध अविश्वासको प्रस्ताव दर्ता गरेको सांसद दिवानसिंह विष्टले जानकारी दिए।
प्रदेशमा नेपाली कांग्रेसका १८ सांसद छन्। तीमध्ये प्रकाश देउवा लामो समयदेखि अमेरिकामा छन।
कांग्रेसकै केही सांसदहरूले मुख्यमन्त्रीको राजीनामा माग्दै आएका थिए। मुख्यमन्त्रीले बहुमत सदस्यहरूको समर्थन नरहे पद छाड्ने बताएका थिए।त्यसपछि मुख्यमन्त्रीविरुद्ध हस्ताक्षर संकलन शुरु गरिएको थियो।
नेपालमा रहेका बहुमत सांसदले शाहविरुद्ध अविश्वासको प्रस्ताव दर्ता गरेको सिंहले बताए।
Discussion about this post