बेङ्गलुरुको शानदार जित, गुजरात पराजित

काठमाडौँ – इन्डियन प्रिमियर लिग ९आइपीएल० क्रिकेटमा रोयल च्यालेन्जर्स बेङ्गलुरुले गुजरात टाइटन्सलाई ५ विकेटले हराएको छ । बेङ्गलुरुको एम। चिन्नास्वामी रङ्गशालामा भएको खेलमा गुजरातले दिएको २०६ रनको लक्ष्य बेङ्गलुरुले १८ ओभर ५ बलमा ५ विकेट गुमाउँदै पूरा गर्‍यो ।

बेङ्गलुरुका विराट कोहलीले ८१ रन र देवदत्त पडिक्कलले ५५ रन बनाउँदै उत्कृष्ट प्रदर्शन गरे । त्यसअघि पहिला ब्याटिङ गरेको गुजरातले २० ओभरमा ३ विकेट गुमाएर २०५ रन बनाएको थियो । गुजरातका साई सुदर्शनले ५८ बलमा शतक बनाए पनि टोलीलाई जित दिलाउन सकेनन् ।

जितसँगै बेङ्गलुरु ७ खेलमा १० अङ्कसहित तालिकाको दोस्रो स्थानमा पुगेको छ भने गुजरात ६ अङ्कसहित सातौँ स्थानमा रहेको छ ।

आजको पहिलो खेलमा दिल्ली क्यापिटल्स र पञ्जाब किङ्सबीच प्रतिस्पर्धा हुनेछ भने दोस्रो खेलमा राजस्थान रोयल्स र सनराइजर्स हैदराबाद आमनेसामने हुनेछन् ।