कञ्चनपुर । कञ्चनपुरको वेदकोट नगरपालिका–५, पोल्खरीका आगलागी पीडित परिवारलाई उत्थानशील युवा सञ्जाल वेदकोटले सहयोग प्रदान गरेको छ। केही दिन अघि मात्रै भएको आगलागीबाट पीडित बनेको परिवारलाई सञ्जालले राहत स्वरूप ओढ्ने–ओछ्याउने सामग्रीहरू हस्तान्तरण गरेको हो।
सञ्जालकी संयोजक कामना जोशी सहितका सदस्यहरूको सक्रियतामा पीडित परिवारलाई सिरक, गद्दा, सिरानी र तन्ना जस्ता आवश्यक सामग्रीहरू प्रदान गरिएको छ। आगलागीबाट सबै जायजेथा नष्ट भएर समस्यामा परेको परिवारलाई तत्काल राहत पुगोस् भन्ने उद्देश्यले यो सहयोग गरिएको सञ्जालले जनाएको छ।
सहयोग हस्तान्तरण कार्यक्रममा वेदकोट नगरपालिका वडा नम्बर ५ का वडा अध्यक्ष चित्र देव भट्ट समेत उपस्थित रहनुभएको थियो। सञ्जालले पीडित परिवारलाई थप राहत पुर्याउन अन्य संघसंस्था र व्यक्तिहरूलाई पनि आफ्नो तर्फबाट सक्दो सहयोग गर्न अपिल गरेको छ।
Discussion about this post