कञ्चनपुर । नेपाल क्रिकेट सङ्घको साधारण सभा वैशाख २७ र २८ गते विराटनगरमा हुने भएको छ।नेपाल क्रिकेट सङ्घ क्यानको सोमबार केन्द्रीय कार्यसमितिको बैठकबाट सो निर्णय पारित गरिएको हो।
शुक्रबारका लागि बोलाइएको बैठकमा असन्तुष्ट पक्षले बहिष्कार गरेपछि बैठक सोमबार बसेको हो। सो बैठकले चारवर्षे पदावधि समाप्त भएका क्यानका २० जिल्लाको कार्यकाल जेठ मसान्तसम्म थप गर्ने निर्णय गरिएको छ। जिल्ला सङ्घहरूले वार्षिक साधारण सभा सम्पन्न भएपछि २०८३ साल जेठ मसान्तभित्र निर्वाचन सम्पन्न गर्ने गरी मिति तय गरी क्यानमा जानकारी गराउनुपर्ने छ।
यसै गरी बोर्ड बैठकले नेपाल प्रिमियर लिग एनपिएलको दोस्रो संस्करणको आयव्यय अनुमोदन गर्दै सन् २०२६ को वार्षिक कार्यक्रम तथा बजेट अनुमोदन गर्ने निर्णय गरेको छ।एनपिएलको गभर्निङ काउन्सिलले बैठकमा कुल ४७ करोड ३६ लाख ५५९ रुपियाँ छ पैसा आम्दानी भएको जानकारी प्रस्तुत गरेको छ। आयव्यय विवरण अनुसार एनपिएलमा २१ करोड ९६ लाख पाँच हजार १२३ रुपियाँ खर्च भएको जनाएको छ।जस अनुसार कुल २५ करोड ३९ लाख नाफा भएको छ।
लिगमा सहभागी आठ टिमलाई कुल नाफाको आधा रकम बाँडफाँट गरिएको छ।यसै गरी महिला क्रिकेटको विकासका लागि पनि लगानी गर्ने निर्णय भएको छ। आइसिसीको निर्देशनबमोजिम क्यानलाई वार्षिक रूपमा प्राप्त हुने बजेटबाट महिला क्रिकेट खेलको विकासका लागि पाँच लाख डलर लगानीको व्यवस्था गरिने छ।
सो बैठकले त्रिवि अन्तर्राष्ट्रिय क्रिकेट रङ्गशालाको करार सम्झौता अवधि थपका लागि तथा हाल राष्ट्रिय खेलकुद परिषद् (राखेप) मातहत सञ्चालनमा रहेको तल्लो मूलपानी क्रिकेट मैदान क्यानलाई हस्तान्तरण गर्नका लागि राखेपमार्फत नेपाल सरकारसमक्ष अनुरोध गर्ने निर्णय पनि गरेको छ । त्रिवि अन्तर्राष्ट्रिय क्रिकेट मैदानमा करार सम्झौता अवधि समाप्त हुँदै छ
Discussion about this post