महेन्द्रनगर — मित्रराष्ट्र भारतको पञ्जाब स्थायी घर भई हाल अष्ट्रेलियाको मेलबर्न सहरमा अध्ययनरत विद्यार्थी अश्विन सिंहले आफ्नो जन्मदिनको अवसरमा महेन्द्रनगरस्थित एक बाल अनाथालयमा फलफूल वितरण गरेका छन्। उक्त कार्यक्रम अष्ट्रेलियामा व्यवसाय गर्दै आएका गायक नवराज कलौनीको सहजीकरणमा सम्पन्न भएको हो।
कार्यक्रममा युवा समाजसेवी प्रदीप पाल, प्रकाश कलौनी, रवि भट्ट लगायतको उपस्थिति रहेको थियो भने अनाथालयमा आश्रित बालबालिकाहरूको पनि उत्साहजनक सहभागिता देखिएको थियो।
जन्मदिनजस्तो व्यक्तिगत खुसीको अवसरलाई समाजसेवासँग जोड्दै गरिएको यस कार्यले सकारात्मक सन्देश दिएको सहभागीहरूले बताएका छन्। यस्ता सानो प्रयासले पनि समाजमा ठूलो परिवर्तन ल्याउन सक्ने भन्दै उपस्थितहरूले अन्य युवाहरूलाई पनि यस्तै सामाजिक कार्यमा अग्रसर हुन प्रेरणा मिल्ने विश्वास व्यक्त गरेका छन्। आयोजकहरूले आगामी दिनमा पनि यस्ता मानवीय कार्यलाई निरन्तरता दिने प्रतिबद्धता व्यक्त गरेका छन्।
Discussion about this post