काठमाडौँ । सन् २०२२ मा स्थापित इन्टरनेट सेवाप्रदायक कम्पनी वाई(फाई नेपालले एक लाख ग्राहक ९घरधुरी० कोशेढुगा पार गरेको छ । मध्यम वर्गीय तथा साना परिवारलाई लक्षित गरी सेवा सुरु गरेको यस कम्पनीले सञ्चालनको तीन वर्षभित्रै यो सफलता पाएको हो ।
सस्तो र भरपर्दो इन्टरनेट सेवाको नारासहित बजारमा आएको वाई(फाई नेपालले हाल देशभरका १०० भन्दा बढी सहरहरूमा आफ्नो सेवा विस्तार भइसकेको जानकारी दिएको छ । कम्पनीले ४० भन्दा बढी सम्पर्क कार्यालय र ५०० भन्दा बढी कर्मचारीहरूमार्फत गुणस्तरीय ग्राहक सेवा प्रदान गर्दै आएको जनाएको छ ।
नियामक नेपाल दूरसञ्चार प्राधिकरणको माघ महिनासम्मको एमएआईएस रिपोर्ट अनुसार वाई(फाई नेपाल प्रालिका ग्राहक संख्या एक लाख दुई हजार ९९१ रहेका छन् भने इन्टरनेट सेवा प्रदायकको सूचीमा नवौँ स्थानमा छ ।
विशेषगरी विद्यार्थी, साना उद्यमी, व्यवसायी र मध्यम वर्गीय परिवारलाई केन्द्रमा राखेर ल्याइएका प्याकेजहरूका कारण छोटो समयमै ठुलो ग्राहक आधार बनाउन सफल भएको कम्पनीको दाबी छ ।
यस उपलब्धिबारे बोल्दै वाई(फाई नेपालका प्रमुख कार्यकारी अधिकृत (सीईओ) शत्रुहन पञ्जीयारले भने, “ग्राहकले वाई(फाई नेपालप्रति देखाएको माया र विश्वासका लागि हामी कृतज्ञ छौँ । यो सफलताले हामीलाई सेवा अझै गुणस्तरीय बनाउँदै देशभर विस्तार गर्न थप हौसला प्रदान गरेको छ ।”
Discussion about this post