बैतडी । बैतडीको दशरथचन्द नगरपालिका–४ देवलहाटमा अवस्थित ऐतिहासिक तथा धार्मिक महत्व बोकेको शिवकुण्ड पछिल्ला वर्षहरूमा भक्तजनहरूको प्रमुख गन्तव्यको रूपमा उभिँदै आएको छ। स्था
नीय उद्धव सिंहका अनुसार यस कुण्डको जललाई शिवको जटाबाट बगेको पवित्र जल मान्ने श्रद्धालुहरू स्थानीय क्षेत्रदेखि बाहिरी जिल्लासम्मबाट यहाँ स्नान तथा पूजा–अर्चना गर्न आउने गरेका छन्।
स्थानीय मान्यताअनुसार शिवकुण्डमा स्नान गरे गंगास्नानबराबरको पुण्य प्राप्त हुन्छ भन्ने विश्वास रहेकाले माघे संक्रान्ति, साउन महिना, फाल्गुनको महाशिवरात्री, नवरात्री जस्ता पर्वमा भक्तजनको ठूलो भीड लाग्ने गर्दछ। विवाह, ब्रतबन्ध, सत्यनारायण पूजा, घर–प्रवेश जस्ता धार्मिक अनुष्ठानमा प्रयोग गरिने पवित्र जलका रूपमा पनि शिवकुण्डको जलको माग बढ्दै गएको छ।
बैतडीको प्रसिद्ध जगन्नाथ बाबा मन्दिर, पञ्चदेवल शिवधाम, सप्तदेवल मन्दिर लगायतका शक्तिपीठमा पनि यही कुण्डको जल-अविर चढाउने परम्परा पुस्तौँदेखि चलिआएको स्थानीय सिहं बताउँछन्।
Discussion about this post