कञ्चनपुर: नेप्से परिसूचक आज उच्च अंकले बढेको छ। आज नेप्से परिसूचक १११।७० अंक बढेर २६२३ अंकमा कायम भएको हो। यसदिन ३२९ स्क्रिप्सको २ करोड ३२ लाख कित्ता सेयर ९ अर्ब १७ करोड ९५ लाख ७३ हजारमा खरदिबिक्री भयो।
निर्जीवन बीमा बाहेकका सबै सेक्टर बढेका छन्। व्यापार समूह सबैभन्दा धेरै ८।६६ प्रतिशत, बैंकिङ ४।५२, विकास बैंक ६।०७, फाइनान्स ५।५४, होटल तथा पर्यटन २।३३, हाइड्रोपावर ५।८३, लगानी ७।६८, जीवन बीमा ५।६६, उत्पादन तथा प्रशोधन ४।८५, माइक्रोफाइनान्स ३।६९ तथा अन्य १।५३ प्रतिशत बढेका हुन्।
९ वटा कम्पनीको मूल्य १० प्रतिशत बढेको छ। १० प्रतिशत मूल्य बढेका कम्पनीमा शिवम् सिमेन्ट, जोशी हाइड्रोपावर, सिन्धु विकास बैंक, भूगोल इनर्जी, गुडविल फाइनान्स, अपी पावर, आँखुखोला जलविद्युत्, बलेफी हाइड्रोपावर, हिमाल दोलखा हाइड्रोपावर छन्। निर्जीवन बीमा ४।०२ प्रतिशत घट्यो।
आज कारोबार रकमका आधारमा नेपाल पुनर्बीमा, हिमालयन रिइन्स्योरेन्स, गार्डियन माइक्रोलाइफ इन्स्योरेन्स, शिवम् सिमेन्ट र हिमालयन डिस्टिलरी क्रमशः अगाडि रहे। जेनजी आन्दोलनका कारण एक साताभन्दा बढी समय बन्द भएर गत बिहीबार खुलेको बजार १६० अंकले घटेको थियो।
Discussion about this post