कञ्चनपुर । कञ्चनपुरको भीमदत्त नगरपालिकाको वडा नम्बर -११ ले वडावासीहरूको सहजताका लागि नयाँ घरदैलो सेवा सुरु गरेको छ।
यसअन्तर्गत अब नागरिकहरूले घटना दर्ता (जन्म, मृत्यु) को प्रमाणपत्र लिन वडा कार्यालय धाइरहनुपर्ने छैन। वडा कार्यालयले प्रकाशित गरेको सूचनाअनुसार, जन्म वा मृत्युको घटना भएको ३५ दिनभित्रै घरमै पुगेर निःशुल्क प्रमाणपत्र उपलब्ध गराउने व्यवस्था मिलाइएको छ।
यस सेवालाई थप प्रभावकारी बनाउन वडाले दुई कर्मचारी तोकेको छ। वडा अध्यक्ष प्रकाश थापाको निर्देशनमा यो घरदैलो कार्यक्रम सुरु गरिएको हो। यस पहलले नागरिकहरूलाई सरकारी सेवाको पहुँचमा सहजता ल्याउने अपेक्षा गरिएको छ।
वडा अध्यक्ष प्रकाश थापाले निर्वाचित भएदेखि नै वडाका घर घरमा गएर स्वास्थ्य चेकजाँचको व्यवस्था गरिएको समेत गरिएको छ र अब घट्ना दर्ता पनि घरमै गएर गरिने भएपछि स्थानिय खुसी भएका छन्।
त्यस्तै शिशु जन्मिएपछि प्रतिशिशु २,५०० रुपैयाँ शिशु स्याहार खर्च र दाहसंस्कारका लागि ५,५०० रुपैयाँ उपलब्ध गराइदै आएको छ। वडामा निःशुल्क स्वास्थ्य शिविर, विद्यार्थीहरूका लागि तयारी कक्षा, कंप्यूटर कक्षा सञ्चालन गरिँदै आएका छन्।
वडा अध्यक्ष थापाको दूरदर्शी सोचले वडाबासीलाई स्थानीय सरकारको अनुभूति दिलाएको स्थानीय बताउँछन्। त्यस्तै, वडा अध्यक्ष थापा स्थानीयको प्रत्येक दुःख सुखमा प्रत्यक्ष रूपमा सहभागी हुने गरेको स्थानीयको भनाइ रहेको छ।
वडा अध्यक्ष थापाले निर्वाचित भएदेखि नै वडावासीको हितका लागि विभिन्न कल्याणकारी कार्यक्रमहरू सञ्चालन गर्दै आएका छन्। स्वास्थ्य जाँचदेखि घटना दर्तासम्मका घरदैलो सेवा, शिशु स्याहार र दाहसंस्कारका लागि आर्थिक सहयोग, निःशुल्क स्वास्थ्य शिविर तथा शैक्षिक कक्षाहरूले गर्दा स्थानीयहरूले आफ्नो सरकारको अनुभूति गर्न पाएका छन्।
यी दूरदर्शी पहलहरूले गर्दा वडा नम्बर -११ अन्य वडाका लागि पनि एक अनुकरणीय उदाहरण बनेको छ।
Discussion about this post