कञ्चनपुर । महेन्द्रनगरमा लियो जिल्ला परिषद् ३२५ एन नेपालको तेस्रो अधिवेशन सफलतापूर्वक सम्पन्न भएको छ। यो अधिवेशन महेन्द्रनगरमा पहिलो पटक आयोजना भएको हो, जसलाई परिषद्का अध्यक्ष मदन गिरीले ऐतिहासिक बताएका छन्।
कार्यक्रममा राष्ट्रिय क्रिकेट टोलीका सदस्य किरण कुमार ठगुन्नालाई परिषद्का अध्यक्ष मदन गिरीले सम्मान गरे। अधिवेशनमा दाङ, नेपालगञ्ज, सुर्खेत, धनगढी र महेन्द्रनगरका गरी दुई सयभन्दा बढी युवाहरूको सहभागिता रहेको थियो।
लियो जिल्ला परिषद्ले युवाहरूमा नेतृत्व क्षमताको विकास गर्दै सामाजिक कार्यमा सक्रिय गराउँदै आएको छ। विश्वका १५० भन्दा बढी देशमा फैलिएका लियो क्लबहरूमा दुई लाखभन्दा बढी युवाहरू आबद्ध छन्।
अधिवेशनले नयाँ लायन वर्ष २०२५/२६ का लागि नयाँ कार्यसमिति पनि चयन गरेको छ। अध्यक्षमा नेपालगञ्जका सिद्धार्थ कायस्थ र उपाध्यक्षमा कैलाली लम्कीकी कल्पना तिमिल्सेना निर्वाचित भएका छन्।
त्यसैगरी, सचिवमा बसन्त बस्नेत, कोषाध्यक्षमा दिग्घविजय सिंह विश्वकर्मा र मेम्बरसिप चियर पर्सनमा प्रियंका जोशी मनोनित भएका छन्।अध्यक्ष मदन गिरीले युवाहरूलाई एकताबद्ध गर्दै सामाजिक कार्य र नेतृत्व विकासमा लियोले महत्त्वपूर्ण भूमिका खेल्ने बताए।
Discussion about this post