कञ्चनपुर। कञ्चनपुरमा अनलाइन टेलिभिजन पत्रकारितामा सक्रिय सञ्चारकर्मीहरूलाई एकजुट बनाउन अनलाइन टिभी पत्रकार संघको प्रारम्भिक ढाँचा तयार पारिएको छ। मंगलवार भएको भेलाले सुदूरपश्चिम खबरका कार्यकारी प्रबन्धक प्रकाश भट्टलाई संयोजक र कारोबार दैनिककी संवाददाता ईशु नेगीलाई सह–संयोजकको जिम्मेवारी तोकेको छ।
संघका केन्द्रीय सदस्य तथा सुदूरपश्चिम प्रदेश अधिवेशन संयोजक विरेन्द्र धामीको उपस्थितिमा सम्पन्न उक्त भेलाले प्रारम्भिक संयोजक टोली चयन गरेको हो। संयोजक भट्टले पूर्ण जिल्ला समिति गठनको काम बाँकी रहेको बताउँदै थप पत्रकारहरूलाई समावेश गरी व्यापक संरचना बनाउने योजना रहेको जानकारी दिए।
प्रदेश संयोजक धामीले वैशाखभित्रै प्रदेश अधिवेशन सम्पन्न गर्ने लक्ष्यका साथ जिल्लास्तरमा प्रारम्भिक संयोजकहरू छनोट गर्ने कार्य तीव्र रूपमा अघि बढेको बताए। उनले अनलाइन टिभी पत्रकारितामा संलग्न सबै सञ्चारकर्मीलाई संघमा जोडिएर सक्रिय सहभागिता जनाउन अपिल गरेका छन्।
Discussion about this post