कञ्चनपुर । कञ्चनपुरको शुक्लाफाँटा नगरपालिका-१२, तिल्कीमा चट्याङ पर्दा एक जनाको मृत्यु भएको छ भने एक जना घाइते भएका छन्।
जिल्ला प्रहरी कार्यालय कञ्चनपुरका अनुसार, स्थानीय २८ वर्षीय रतन सिंह राना र उनकी २४ वर्षीया श्रीमती लालमती राना घर नजिकैको तरकारी बारीबाट तरकारी ल्याएर फर्कने क्रममा चट्याङ परेको थियो। घटनामा लालमती रानाको घटनास्थलमै मृत्यु भएको छ भने रतन सिंह राना गम्भीर घाइते भएका छन्।
घाइते रतन सिंह रानालाई उपचारका लागि धनगढीस्थित निसर्ग अस्पतालमा भर्ना गरिएको छ। प्रहरीले घटनाको थप अनुसन्धान गरिरहेको जनाएको छ।
Discussion about this post