कञ्चनपुर । प्रेस सेन्टर नेपाल कञ्चनपुरको अध्यक्षमा पुन: अरुण प्रसाद भट्ट निर्वाचित भएका छन् । मङ्गलबार प्रेस सेन्टर नेपाल कञ्चनपुरको महेन्द्रनगरमा सम्पन्न भएको सातौँ जिल्ला अधिवेशनबाट अध्यक्षमा भट्ट सर्वसम्मत निर्वाचित भएका हुन् ।
दोस्रो पटक पत्रकार भट्टको काँधमा प्रेस सेन्टर जिल्लाको नेतृत्व आएको छ ।
उपाध्यक्षद्वय धर्मराज कठायत, भास्कर केसी, सचिव हेमा भट्ट सह सचिवद्वय बीरसिह ऐर, खडक कोली, कोषाध्यक्ष डम्बर भट्ट लगायतका १७ सदस्यीय जिल्ला कार्य समिति चयन गरिएको छ । प्रेस सेन्टर जिल्ला सल्लाहकारमा युवा पत्रकार डिल्लीराज पन्तको अध्यक्षतामा धुव्रराज अवस्थी, राजेन्द्र विष्ट, विकास सिंह महता, डीएस धामी रहेका छन् ।
कञ्चनपुरका युवा सक्रिय पत्रकार पुष्कर भट्ट प्रेस सेन्टरमा समाहित भएका छन् । यस अघि स्वतन्त्र पत्रकार रहेका पत्रकार भट्ट अहिले प्रेस सेन्टरमा समाहित भएका हुन् । माउन्टेन टेलिभिजनका समाचारदाता समेत रहेका भट्ट अहिले सेन्टरमा आएका छन् । पत्रकार भट्टले पत्रकारको हकहितका लागि सेन्टरले भूमिका निर्वाह गरेको भन्दै सेन्टरमा आएको बताएका छन् ।
कार्यक्रमका प्रमुख अतिथि समेत रहेका प्रेस सेन्टरका केन्द्रीय उपाध्यक्ष एवम सुप प्रदेशका इन्चार्ज राम सिहं ठगुन्नाले निर्वाचित पदाधिकारीहरूलाई बधाई तथा शुभकामना दिएका छन् । कार्यक्रममा राष्ट्रिय भूमि आयोग कञ्चनपुरका निवर्तमान अध्यक्ष देवेन्द्र ढुङ्गाना, प्रेस सेन्टर नेपालका केन्द्रीय सचिव राजेन्द्र प्रसाद अवस्थी, केन्द्रीय सदस्य मदनराज जोशी, प्रदेश सचिव मोहन विष्टले शुभकामना मन्तव्य राखेका थिए ।
प्रेस सेन्टर नेपाल कञ्चनपुरका निवर्तमान सचिव भास्कर केसीले सञ्चालन गरेको कार्यक्रममा सेन्टरका उपाध्यक्ष धर्मराज कठायतले शुभकामना मन्तव्य राखेको थिए । कार्यक्रममा प्रेस सेन्टर नेपाल कञ्चनपुर, सुप प्रदेश एवम् केन्द्रीय समितिका पदाधिकारी सदस्य एव पत्रकारको सहभागिता रहेको थियो ।
Discussion about this post