कञ्चनपुर । निजी तथा आवासीय विद्यालय अर्गनाईजेशन नेपाल(प्याब्सन) कञ्चनपुरको अध्यक्षमा महादेव प्रसाद भट्ट चयन भएका छन् ।
बिहीबार महेन्द्रनगरमा सम्पन्न भएको प्याब्सन कञ्चनपुरको १९औँ बार्षिक साधारण सभा एव १५औँ जिल्ला अधिवेशनबाट अध्यक्षमा भट्ट चयन भएका हुन् ।
सहमतीय आधारमा भट्टको अध्यक्षतामा प्याब्सन जिल्लाको कार्य समिति विस्तार गरिएको हो । वरिष्ठ उपाध्यक्ष राकेश बहादुर चन्द, उपाध्यक्ष बालकृष्ण ढकाल, सचिव अक्कल बहादुर रोकाया, कोषाध्यक्ष केशवराज जोशी, सह सचिव नगेन्द्र प्रसाद कलौनी, सह कोषाध्यक्ष हिमालय कुमार चन्द, सदस्यहरू शिवराज पन्त, पुष्पराज ओझा, लोकेन्द्र राज जोशी, दिनेश कुमार बडू, सरोज राज जोशी, गौरीदत्त भट्ट, चन्द्रसिंह बोगटी, देवराज जोशी चयन भएका छन् ।
अधिवक्ता प्रकाशराज पाठक, यज्ञ प्रसाद भण्डारी, तर्कराज भट्टराईको निर्वाचन समितिले निर्विरोध निर्वाचित घोषणाका साथै प्रमाण पत्र पदभार ग्रहण गराएका छन् । प्याब्सन कञ्चनपुर कमान्डर बनेका शिक्षक एव विद्यालय सञ्चालक महादेव प्रसाद भट्टले जिल्लाको समग्र शैक्षिक गुणस्तर सुधारदेखि अतिरिक्त क्रियाकलापका साथै प्याब्सन कञ्चनपुरको भवन निर्माण गर्ने प्रतिबद्धता जाहेर गरेका छन् । अध्यक्ष भट्टले प्याब्सनका अगुवादेखि सरोकारवालासँग समन्वय गरेर शैक्षिक स्तर वृद्धि गर्दै अघि बढ्ने बताए ।
प्याब्सन कञ्चनपुरका निवर्तमान अध्यक्ष अमराज भट्टको अध्यक्षतामा भएको कार्यक्रमको प्याब्सन केन्द्रीय सल्लाहकार डा हिरा चन्दको प्रमुख आतिथ्यमा भएको कार्यक्रमको सञ्चालक तत्तकालिन सचिव एव हाल वरिष्ठ उपाध्यक्षमा चयन भएका राकेश बहादुर चन्दले सञ्चालन गरेका थिए । कार्यक्रममा विद्यार्थीदेखि सल्लाहकार सम्मान गरिएको थियो । प्याब्सनकर्मीदेखि शैक्षिक सरोकारवालाको सहभागिता रहेको थियो ।
Discussion about this post