ईन्द्रेणी कृषी सहकारी संस्था लिमिटेडको १३ औ वार्षीक साधारण सभा सम्पन्न

दिपक नाथ, कञ्चनपुर । कञ्चनपुरको वेदकोट नगरपालिका ९ मा रहेको श्री ईन्द्रेणी कृषी सहकारी संस्था लिमिटेडको १३ औ वार्षीक साधारण सभा सम्पन्न भएको छ । श्री उदयदेव मावि सुन्दरपुरको प्राङगणमा शनिवार एक भब्य कार्यक्रमको आयोजना गर्दै संस्थाले आफनो १३ औ वार्षीक साधारण सभा सम्पन्न गरेको हो ।

कार्यक्रममा सुदूरपश्चिमका पूर्व सामाजिक विकास मन्त्री लालबहादुर खडका प्रमुख अतिथी रहनु भएको थियो । कार्यक्रमको सभाध्यक्षता संस्थाका अध्यक्ष शिवराज भट्टले गर्नु भएको थियो ।

कार्यक्रममा बोल्दै प्रमुख अतिथी एवम् पूर्व सामाजिक विकास मन्त्री लालबहादुर खडकाले आफु पनि विगतको दिनमा यसको सदस्य भएको र सहकारी अभियानमा सुरुवात देखी नै लागेको बताउनुभएको छ । साथै सहकारीहरूलाई व्यवस्थित गर्ने यसको क्षमता विकास गर्नमा पनि आफ्नो ठुलो भुमिका रहेको बताउनु भयो । उहाँले भन्नुभयो ‘आफुसंगको भएको बचतलाई निरन्तरता दिने र रिण लगेपछि समयमा बुझाउने र केही उद्यम गरेर देखायो भने आफनै देशमा स्वरोजगार गर्न सकिन्छ। यो सहकारीले पनि कृषीको क्षेत्रमा उदाहरणिय कार्य गरेको र यहाँका किसानहरुलाई आवस्यक पर्ने मल विँउ औजारहरु पनि सहुलियत दरमा वितरण गरेर महत्वपूर्ण कार्य गरिरहेको छ।’

त्यसैगरी संस्थाका अध्यक्ष शिवराज भट्टले आफुनो सहकारीमा अहिले संस्थामा १७ सय सदस्य रहेको र सबैले गर्दा अहिले आफुहरुले १३ औँ वर्षमा पुग्न सफल भएको बताउनु भएको छ । उहाँले आफनो स्थानिय स्तरमा रहेका किसानहरुलाई व्यवसायीक कृषी तर्फ उन्मुख गराउनु मुख उदेश्यका सहकारीले कार्य गरिरहेको गरिरहेको बताउनु भयो । उहाँले भन्नुभयो ‘साथै किसानहरुको माग बमोजिम उनिहरुलाई आवस्यक पर्ने कृषी औजारहरु, मल विँउविजनहरु, केदकोट नगरपालिका, कृषी ज्ञान केन्द्र, विभिन्न संघसंसथाहरु संग समन्वय गरेर सहुलियत दररेटमा आधा रकममा उपलब्ध गराइरहेका छौं। हाम्रो उद्देश्य भनेको नै किशानहरूलाई व्यवसायीक कृषी तर्फ उन्मुख गराउनु हो।‘

कार्यक्रममा विभिन्न साँस्कृतिक कार्यक्रमहरुको प्रस्तुती समेत गरिएका थिए। त्यसैगरी कार्यक्रममा चर्चित देउडा गायक एवम् राष्ट्रिय लोक तथा दोहरी गित प्रतिष्ठान नेपाल कञ्चनपुर शाखाका अध्यक्ष लालबहादुर धामी (अछामी बड्डो) को समेत भव्य प्रस्तुति रहेको संस्थाका सञ्चालक समिति सदस्य प्रकाश कलौनीले जानकारी दिनुभएको छ।

संस्थाका सचिव पदम कुवँरले सञ्चालन गरेको उक्त कार्यक्रममा सहकारीलाई सहयोग गर्ने विभिन्न संस्था तथा व्यक्तिलाई विभिन्न विधामा सम्मान गरिएको छ। त्यसैगरी एसइइको परिक्षामा उतकृष्ट नतिजा ल्याउन सफल विद्यार्थीहरूलाई सम्मान गरिएको संस्थाका सञ्चालक समिति सदस्य कलौनीले जानकारी दिनुभएको छ।