कञ्चनपुर । निर्माण व्यवसायी हर्क बहादुर मल्लले कञ्चनपुरको एक बृद्धाश्रममा नगद सहित खाद्यान्न सहयोग गरेका छन । भवानी कालिका कन्स्ट्रक्सन प्रालिका सञ्चालक समेत रहेका निर्माण व्यवसायी मल्लले वेदकोट नगरपालिका ७, ८ रौटेलामा रहेको बैजनाथ धाम तथा वृद्धाश्रम सेवा समितिमा नगद सहित खाद्यान्न सहयोग गरेका हुन् ।
महाबु गाउँपालिका ५ दैलेखका स्थानीय समेत रहेका निर्माण व्यवसायी मल्लले जन्मदिनको अवसरमा बेसहारा ज्येष्ठ नागरिकको समाजिक सेवाका लागि नगद सहित खाद्यान्न, फलफूल वितरण गरेका छन् । समाजसेवी समेत रहेका निर्माण व्यवसायी मल्लले सपरिवार सहितका सरोकारवाला निकाय, ज्येष्ठ नागरिकसँगै आश्रममै केक काटेर जन्मदिन मनाएका छन् ।
निर्माण व्यवसायी मल्लले नगद ३ हजार ३ सय ५ रुपैया नगद दक्षिणा सहित चामल, दाल, दुध, चिनी, तरकारी, फलफूल मिठाई वितरण गरेका छन् । मल्ल सहितका उनकी धर्मपत्नी हेमन शाही (मल्ल), बाबु नर बहादुर मल्ल, आमा मन्सरा मल्ल, छोरा मनसुन विक्रम मल्ल सहितका आफन्त घर परिवारले बेसहारा ज्येष्ठ नागरिकलाई मिठाई, फलफूल वितरण गरेका थिए ।
यसरी निर्माण व्यवसायी मल्लले सपरिवार सहितले वृद्धाश्रममा नगद, खाद्यान्नका साथै फलफूल मिठाई केक काटेर आश्रममै जन्मदिन मनाएपछि ज्येष्ठ नागरिक उत्साहित भएका छन् । आफ्नै सन्तानको जन्मदिवस जस्तै भनेर ज्येष्ठ नागरिक उत्साहित हुँदै उनलाई फुल दिएर आर्शिवाद दिएका थिए ।
निर्माण व्यवसायी मल्लले समाजिक सेवाका लागि आफ्नो खुसीमा घरपरिवारबाट बेसहारा बनेका ज्येष्ठ नागरिकसँगै खुसी साटासाट गरेको बताए । मल्लले आगामी दिनमा पनि वृद्धाश्रम सहित ज्येष्ठ नागरिकको सेवा गर्ने प्रण गरेका छन् ।
Discussion about this post