कञ्चनपुर – नेकपा बहुमतले कञ्चनपुरको लालझाडी र बेलडाँडी गाउँपालिकामा ज्ञापन पत्र बुझाएको छ । बहुमत कञ्चनपुरले भ्रष्टाचार विरुद्धको अभियान स्वरुप पहिलो चरणमा पालिकाहरूमा ज्ञापन पत्र बुझाईरहेको छ ।
सिफारिस
नेकपा बहमुत कञ्चनपुरका युवा नेता सुरेन्द्र धानुकले पालिका सरकारलाई ज्ञापन पत्र बुझाउने अन्तिम दिन बेलडाँडी र लालझाडीमा बुझाएको बताए । उनका अनुसार पालिकाहरूमा हुने नीतिगतदेखिका भ्रष्टाचार नरोके आन्दोलनको चेतावनी दिइएको छ ।
नेता धानुकले जिल्ला इन्चार्ज अर्जुन, सेक्रटरी नक्साल सहितका नेता कार्यकर्ताहरूले पालिकाले भ्रष्टाचार नभई जनताको आधारभूत आवश्यकता अनुरूप काम गर्नुपर्नेमा जनप्रतिनिधि कर्मचारीलाई सचेत गराएका छन् ।
जनप्रतिनिधि र कर्मचारीको मिलोमतोमा हुने भ्रष्टाचार रोक्नुको विकल्प नभएको नेकपा बहुमत कञ्चनपुरको ठहर छ ।
