कञ्चनपुर – राष्ट्रिय प्रजातान्त्रिक विद्यार्थी सङ्गठनको भीमदत्त नगर अध्यक्षमा चन्दलाई मनोनयन गरिएको छ । बुधबार विद्यार्थी सङ्गठनका कञ्चनपुर जिल्ला अध्यक्ष प्रेम रावलले नितिन चन्दलाई नगर अध्यक्षको पदमा मनोनित गरेको हो ।
राप्रविस कञ्चनपुरले भर्खरै सुदूरपश्चिम विश्वविद्यालयमा सङ्गठनको पहिलो अधिवेशन बाट अध्यक्ष सञ्चित पन्तको नेतृत्वमा २७ सदस्यीय कमिटी गठन गरेको थियो ।
विद्यार्थीहरूको हकहितको लागि बुलन्द आवाज उठाउने र शिक्षा क्षेत्रलाई विवाद रहित बनाउन सुगठन विस्तार गर्नु पर्ने अपरिहार्य देखिएको जिल्ला अध्यक्ष रावलले बताएका छन ।
नगर अध्यक्षको जिम्मेवारी पाएका चन्दले आफ्नो नगर भित्र रहेका क्याम्पसहरूमा सङ्गठन विस्तार गर्ने र राप्रविसलाई अन्य सङ्गठनहरू भन्दा फरक शिक्षक र विद्यार्थीहरूको लोकप्रिय सङ्गठन बनेर चिनाउन प्रतिवद्ध रहने बताएका छन् ।
![Mahakali Polytechnic](https://sudurpashimkhabar.com/wp-content/uploads/2024/08/Mahakali.gif)
![Dirghayu Ads](https://sudurpashimkhabar.com/wp-content/uploads/2024/06/Dirghayu.gif)