कञ्चनपुर – राष्ट्रिय विपद् जोखिम न्यूनिकरण तथा व्यवस्थापन प्राधिकरण र गृह मन्त्रालयको अधिकारीले कञ्चनपुरको बाढीबारे सरोकारवालासँग छलफल गरेका छन । बिहीबार जिल्ला प्रशासन कार्यालय कञ्चनपुरमा राष्ट्रिय विपद् जोखिम न्यूनिकरण तथा व्यवस्थापन प्राधिकरण र गृह मन्त्रालयको अधिकारीले कञ्चनपुरको बाढीबारे सरोकारवालासँग छलफल गरेका हुन ।
राष्ट्रिय विपद् जोखिम न्यूनिकरण तथा व्यवस्थापन प्राधिकरण प्रमुख अनिल पोखरेलले जिल्लाको बाढीको वस्तुस्थिति बारे सरोकारवालासँग छलफल गरेको बताए । उनले छलफल गरेर भावी दिनमा समस्या समाधानका लागि पहल गरिने बताए ।
गृह मन्त्रालय विपद् तथा द्वन्द्व व्यवस्थापन महाशाखा प्रमुख डा. भीष्म कुमार भुसालले गृह मन्त्रालयले आगामी दिनमा विपद् प्रतिकार्य सहजताका लागि सरोकारवालासँग छलफल गरेर नयाँ योजना ल्याउने बताए । कार्यक्रममा जिल्लाका पालिका प्रमुखहरूले स्थानीय तहमा स्रोत साधन दिनुपर्ने बताए । कञ्चनपुरका प्रमुख जिल्ला अधिकारी नारायण प्रसाद सापकोटाले विपद्बाट बाच्नका लागि सरोकारवालाको भूमिका आवश्यक रहेको औँल्याए ।
