शाखा कार्यालय झलारीले छोटो अवधिको व्यवसायिक चिया तथा नास्ता तालिम सञ्चालन गरेको छ ।
सहकारीमा आवद्ध २० जना सदस्यहरुलाई १० दिने छोटो अवधिको व्यवसायिक चिया तथा नास्ता तालिम विहीबारबाट कलुवापुरमा सुरु भएको हो ।
नेपाल युथ फाउण्डेशनको आर्थिक सहयोगमा सञ्चालित तालिम आगामी १६ गते सम्म सञ्चालन हुनेछ । तालिमको वडा नम्बर ११ का वडाध्यक्ष शेर बहादुर साउँदले उद्धघाटन गरेका छन् ।
कार्यक्रममा बोल्दै वडाध्यक्ष साउँदले तालिमबाट सिकेको कुराहरु व्यवहारमा लागु गर्नुपर्ने बताए । उनले अनुशासित,लगनशील भएर तालिममा सहभागि हुन आग्रह समेत गरे ।
कार्यक्रममा संस्थाका कार्यकारी प्रमुख शंकर बहादुर कार्की,नेपाल युथ फाउण्डेशनका कार्यक्रम संयोजक मान बहादुर क्षेत्री,तालिम व्यवस्थापक जगतराम थारु,धनगढी उपमहानगरपालिकाका रोजगार शाखा प्रमुख चन्द्र महरा लगायतको उपस्थिती रहेको थियो ।
कार्यक्रमको सञ्चालन तथा स्वागत मन्तव्य कञ्चन को ओपरेटिभ सर्भिस लिमिटेड शाखा कार्यालय झलारीका प्रमुख धनञ्जय अवस्थीले गरेका थिए । कार्यक्रमका बारेमा संस्थाका कार्यकारी प्रमुख शंकर बहादुर कार्कीले जानकारी दिएका थिए ।
उनले तालिमबाट सिकेका कुराहरुले सदस्यहरुको आयआर्जनमा वृद्धि हुने विश्वास व्यक्त गरे । सुरेन्द्र चौधरीले सहभागिहरुलाई प्रशिक्षण प्रदान गर्नेछन् । उनले तालिम पश्चात् सहभागि प्रत्येकलाई २५ हजार बराबरका नास्ता पकाउने भाँडाहरु प्रदान गरिने समेत बताए ।
कञ्चनपुरको महेन्द्रनगरमा केन्द्रीय कार्यालय रहेको संस्थाले तीन वटा शाखाहरु मार्फत सेवा प्रदान गर्दै आइरहेको छ ।
Discussion about this post