कञ्चनपुर। २१ असोजदेखि धनगढीमा शुरु भएको नेकपा एमाले सुदूरपश्चिम प्रदेशको प्रथम सम्मेलनमा पाटी अध्यक्ष केपी शर्मा ओलीले सहमतीमै नेतृत्व चयन गर्न निर्देशन दिएका थिए । पाटी अध्यक्षको निर्देशन विपरित नेता कार्यकर्ताहरु चुनावी प्रकृयाबाट नेतृत्व चयन गर्न लागेका छन ।
एमाले सुदूरपश्चिम प्रदेश अधिवेशनको उम्मेदवारीमा चार समूह देखिएका छन । यस अघि सुदूरपश्चिम एमालेमा तीन समूह थिए । तीन समूहमध्ये केन्द्रीय सचिव लेखराज भट्ट र निवर्तमान प्रदेश अध्यक्ष दामोदर भण्डारीले छुट्टाछुट्टै उम्मेदवार बनाएपछि यी दुई नेताका अलग समूह भएर चार पुगेका छन । एमाले पोलिटब्युरो सदस्य कर्ण थापाले अछामका कृष्ण जैसीलाई अध्यक्षमा अघि सारेका छन । भट्ट भण्डारी समूहबाट अछामका कमल तिमिल्सिना र कञ्चनपुरका बचन बहादुर सिँह चुनावी मैदानमा हुन ।
अध्यक्षका अर्का उम्मेदवार अछामका भरत साउँद भीम रावलको समर्थनमा उम्मेदवार भएको अनुमान गरिएका साउँद एमाले विभाजनका रावलसंगै एमाले बसेका छन । रावल लगायतका नेताले १० बँदे सहमति गरी एमालेमै बसेका थिए । यो समूहलाई एमालेमा १० बुुँदे समूह भनेर चिन्ने गरिएको छ । भट्ट भण्डारी समूहका छुट्टै उम्मेदवार भएपछि थापा समूह उत्साहित हुन पुगेको छ ।
एमाले महासचिव शंकर पोखरेल र उपाध्यक्ष विष्णु पौडेलका दुई समूह सुदूरपश्चिममा एमालेमा बलिया मानिएका थिए । प्रदेश अधिवेशनसम्म पुग्दा महासचिव पोखरेल समूहमा मतभेद बढेर अध्यक्षमा दुई जना उम्मेदवार भएका हुन ।
वर्तमान प्रदेश अध्यक्ष भण्डारीले अछामका तिमिल्सिना र लेखराज भट्टले सिहदलाई सघाउने चर्चा अहिले एमाले वृृत्तमा छ । अध्यक्ष, उपाध्यक्ष सहित सबै पदाधिकारीमा भट्ट र भण्डारीका उम्मेदवार छन । एमाले सचिव भट्टको गृह नगर गोदावरीमा भण्डारीले साथ दिएका सबै प्रतिनिधि पराजित भएपछि उनी भट्टसित असन्तुष्ट छन्् । गोदावरीमा भण्डारी समूहले चुनाव बहिस्कार गरेपछि मतदान गरी प्रतिनिधि छनौट गरिएको थियो । एमालेका एक नेताले प्रदेश अधिवेशनमा चार समूह देखिएको बताए । ‘तीन समूह त छँदै थिए, अहिले दामोदर र लेखराजजीको छुट्टै समूह पनि थपियो’ ती नेताले भने,‘उम्मेदवारी पनि त्यसै अनुसार परेको छ ।’प्रदेश अध्यक्षमा कमल तिमिल्सिना, प्रदेश कमिटी सचिवालय सदस्य एवम् पूर्व जिविस सभापति कृष्णप्रसाद जैसी, भरतबहादुर साउद र बचन बहादुर सिंहले प्रदेश अध्यक्षमा उम्मेदवारको मनोनयन दर्ता गराएका छन । प्रदेश अधिवेशनको लागि अध्यक्ष सहित ५ पदाधिकारी पदमा २३ जनाले उम्मेदवारी दिएका छन् । अध्यक्षमा चार जना, उपाध्यक्षमा ७, सचिवमा ४ र उपसचिवमा ९ जना छन्। ९ मध्ये ३ जना महिला छन ।
उपाध्यक्षमा हरिसिंह साउद, बलदेव रेग्मी, रणबहादुर महरा, कालिबहादुर शाही र हजारीसिंह साउद, गजेन्द्रबहादुर शाहीको उम्मेदवारी छ। सचिवमा भने रणबहादुर चन्द, राजेश खाती, रतनराज रेग्मी, जीवनकुमार बम छन भने उपसचिव ९महिला ० तर्फ भागरथी विष्ट कन्दकला कुमारी राना र अर्चना गहतराज तथा उपसचिव खुल्लातर्फ रामदत्त जोशी, अशोककुमार चन्द, नरबहादुर बिक, सुरेन्द्रबहादुर पाल, हरदेव जोशी र पल्लभराज भट्ट छन ।
कञ्चनपुरबाट अध्यक्ष सिह सहित उपाध्यक्षमा शुक्लाफाँटा नगरपालिका मेयर रण बहादुर महरा, उप सचिव खुल्लामा अशोककुमार चन्द, नर बहादुर बिक, सुरेन्द्र बहादुर पाल, हरदेव जोशी र पल्लभराज भट्ट उम्मेदवार भएका छन । एमाले अध्यक्ष केपी शर्मा ओलीले अधिवेशन सर्वसम्मत प्रदेश कमिटी बनाउन महासचिव पोखरेललाई जिम्मा दिएर फर्किएका थिए । महासचिव पोखरेलले बन्द सत्र सुरु नगरी दुई दिनसम्म सहमतिको प्रयास गरेका थिए ।
प्रदेश अध्यक्षमा जैसी र तिमिल्सिनाले अन्तिमसम्म दावी नछाडेपछि सहमति नभएर निर्वाचन प्रक्रिया थालिएको हो । प्रदेश अध्यक्षका उम्मेदवार जैसीलाई एमाले पोलिटब्युरो सदस्य कर्ण थापा र तिमिल्सिनलाई एमाले केन्द्रीय सचिव लेखराज भट्ट र निवर्तमान प्रदेश अध्यक्ष दामोदर भण्डारी गुटले साथ दिएको छ । एमालेका पूर्व उपाध्यक्ष भीम रावलले थापा समूहलाई सहयोग गर्ने जानकारी बाहिर आएका छन । रावल समूहका ५० प्रतिनिधि हुन सक्ने बताइएको छ ।
उनलाई प्रदेश अधिवेशनमा आमन्त्रण नगरिएपछि उनी समर्थक कार्यकर्ताले उद्घाटन सत्रमा खोजी गरेका थिए । एमाले सुदूरपश्चिमका केही नेता कार्यकर्ताहरुले पाटी अध्यक्षले निर्देशन दिएको भन्दै कहाँ सहमती हुने लोकतान्त्रिक प्रकृयाबाट उम्मेदवार छनौट गरिरहेको दावि गरेका छन । प्रदेश अधिवेशनका सबै जिल्लाका ६ सय ७५ प्रतिनिधिले मतदान गर्न पाउने भएका छन ।
