शनिबार पहाडी भूभागका केही स्थानमा मेघगर्जन, चट्याङसहित हल्का वर्षाको सम्भावना छ।
मौसम पूर्वानुमान महाशाखाका अनुसार अहिले देशका पहाडी भूभागमा आंशिकदेखि सामान्य बदली रही बाँकी भूभागमा आंशिक बदली छ।
केही दिनदेखि तुवालोले ढाकेको काठमाडौं उपत्यकाको आकाश आइतबारसम्म खुल्ने सम्भावना नरहेको मौसमविद् रोजन लामिछानेले जानकारी दिए। शनिबार काठमाडौं उपत्यकामा दिउँसो र राति पनि वर्षाको सम्भावना रहेको मौसमविद् लामिछानेले बताए।
दिउँसो देशका पहाडी भूभागमा आंशिकदेखि सामान्यतया बदली रही बाँकी भूभागमा आंशिक बदलीदेखि मौसम सामान्यतया सफा रहने छ । देशका पहाडी भूभागका थोरै स्थानहरूमा मेघगर्जन, चट्याङसहित हल्कारक्षणिक वर्षाको सम्भावना छ।
राति पनि पहाडी भूभागमा आंशिक बदली रही बाँकी भूभागमा आंशिक बदलीदेखि मौसम सामान्यतया सफा रहने छ। गण्डकी र सुदूरपश्चिम प्रदेशका पहाडी भूभागका १–२ स्थानमा मेघगर्जन, चट्याङसहित क्षणिक वर्षाको सम्भावना रहेको महाशाखाले जनाएको छ। थाहा खबर बाट साभार
Discussion about this post