भारतीय ब्याटर रुतुराज गायकवाडले एक ओभरमा सात छक्का प्रहार गर्दै विश्व कीर्तिमान बनाएका छन् ।
आज सोमवार महाराष्ट्र र उत्तर प्रदेशबीच भएको विजय हजारे ट्रफीको क्वार्टर–फाइनल खेलमा रुतुराजले ४९ औँ ओभरमा सात छक्का प्रहार गरेका हुन् ।
४९ औँ ओभरको एक बल नो बल थियो । यसरी उनले एक ओभरमा ४३ रन बनाए । उत्तर प्रदेशको तर्फबाट शिवा सिंहले बलिङ गरिरहेका थिए ।
रुतुराज गायकवाडले यस खेलमा सानदान दोहोरो शतक पनि बनाए । उनले लिस्ट ’ए’ करियरमा पहिलो पटक दोहोरो शतक प्रहार गरेका हुन् ।
![Mahakali Polytechnic](https://sudurpashimkhabar.com/wp-content/uploads/2024/08/Mahakali.gif)
यद्यपि लिस्ट ’ए’ क्रिकेटमा एकै ओभरमा ४३ रन बनेको भने यो पहिलो पटक होइन । यसअघि न्युजिल्यान्डको लिस्ट ’ए’ मान्यता फोर्ड ट्रफी (२०१८–१९) मा पनि एकै ओभरमा ४३ रन बनेको थियो । सेन्ट्रल डिस्ट्रिकका विलेम लुडिकको बलमा नर्दन डिस्ट्रिकका ब्रेट ह्याम्पटन र जोए कार्टले मिलेर ४३ रन जोडेका थिए जसमा दुई वटा नो बल पनि थियो । उज्यालो अनलाइन बाट सभार
![Dirghayu Ads](https://sudurpashimkhabar.com/wp-content/uploads/2024/06/Dirghayu.gif)