मंगलबार दिउँसो देशका तीन प्रदेशमा वर्षा हुने, कर्णालीसहित विभिन्न स्थानमा हिमपात
मंगलबार दिउँसो देशका तीनवटा प्रदेशमा वर्षा हुने भएको छ।
जल तथा मौसम विज्ञान विभागअन्तर्गत रहेको मौसम पूर्वानुमान महाशाखाका अनुसार प्रदेश नं १, गण्डकी प्रदेश र कर्णाली प्रदेशका पहाडी भूभागका एक–दुई स्थानमा हल्का वर्षाको सम्भावना रहेको छ।
देशको कर्णाली प्रदेशको हिमाली भूभागका थोरै स्थानहरूमा र बाँकी हिमाली भूभागको एक–दूई स्थानमा हल्का हिमपातको सम्भावना रहेको छ।
रातको समयमा भने प्रदेश नं १ र गण्डकी प्रदेशका पहाडी भूभागका एक–दुई स्थानमा हल्का वर्षाको सम्भावना रहेको विभागले जनाएको छ।
साथै सुदूरपश्चिम, कर्णाली, गण्डकी र प्रदेश नं १ का हिमाली भू–भागका एक वा दुई स्थानमा हल्का हिमपातको सम्भावना रहेको छ। अन्नपूर्ण पोस्ट बाट सभार
