पहिरोले अवरुद्ध केआईसिंह राजमार्ग सुचारु

कञ्चनपुर – पहिरोका कारण अवरुद्ध भएको डडेल्धुरा–डोटी जोड्ने केआईसिंह राजमार्ग सुचारु भएको छ। डडेल्धुराको रडुवा खोलामा पहिरो जाँदा आइतबार बिहान साढे १० बजेदेखि अवरुद्ध बनेको राजमार्ग दिउँसो ४ बजेदेखि सुचारु भएको हो।

डडेल्धुराका प्रमुख जिल्ला अधिकारी मोहनराज जोशीका अनुसार पहिरो पन्छ्याइसकेकाले अहिले दुईतर्फी सवारी चल्न थालेका छन्। यस्तै भीमदत्त राजमार्ग अन्तरगत डडेल्धुराको साहुखर्कमा खसेको पहिरो पनि पन्छ्याइसकेको र सडक सुचारु भइसकेको बताइएको छ।