सुदूरपश्चिम खबर
sudurpashimkhabar.com
Bedkot Samudayik Ban

राष्ट्रिय प्रजातन्त्र पार्टीका अध्यक्ष लिङ्देनले भने– ’हामीलाई साथ नदिए देश श्रीलंका र युक्रेन बन्छ’

129
Sana Kishan

काठमाडौँ — राष्ट्रिय प्रजातन्त्र पार्टीका अध्यक्ष राजेन्द्र लिङ्देनले अहिलेका राजनीतिक दलहरुबाट देश अघि बढ्न नसक्ने भन्दै एमाले, कांग्रेस र माओवादीलाई सत्तामा पु¥याए नेपाल श्रीलंका र युक्रेनको अवस्थामा पुग्ने बताए ।

 

‘अहिलेको राजनीतिक अवस्थाबाट कोही पनि सन्तुष्ट छैन । सत्तामा बस्ने केही नेताहरु बाहेक कांग्रेस, एमाले र माओवादीकै कार्यकर्ताहरु पनि सुन्तुष्ट छैनन्’ अध्यक्ष लिङ्देनले भने, ‘कांग्रेस, एमाले र माओवादीका देश बनाउँ भन्ने कार्यकर्ताहरुलाई देशको अवस्था देखेर राति ऐठन हुने गरेको छ ।’

 

Arus

उनले २०६२–०६३ मा राप्रपाका कार्यकर्ताहरु आफ्नो एजेण्डाको कारण सामाजिक बहिस्करणमा परे पनि अहिले त्यो विचारसहित प्रमाणित भएको दाबी गरे । उनले कांग्रेस, एमाले र माओवादीले केही गर्छन् भनेर लाग्नु साँढेले दूध दिन्छ भनेर ठान्नु जस्तै भएको बताए । खुलामञ्चमा आयोजित सभामा लिङ्देनले २०६२–०६३ सालमा परिवर्तनका एजेण्डाहरु असफल भएको पनि जिकिर गरे ।

 

 

Nepali Khaja

त्यस्तै एमाले, कांग्रेस र माओवादी शासकीय रुपमा पनि असफल भएको भन्दै राप्रपा त्यसको विकल्प भएको उनको दाबी थियो । ‘साँढेको टाँगमुनि भाँडो थापेर दूध आउँदैन । एमाले कांग्रेस र माओवादीलाई भेट दिनु पनि त्यस्तै हो । बाल्टी थाप्नेलाई पनि दुख हुन्छ’ लिङ्देनले भने, ‘पार्टीहरु बाँझो भैसकेका छन् कति वर्ष थपिदियो भने पनि उनीहरूले केही गर्दैनन् ।’

 

 

Karnali Traders

लिङ्देनले राप्रपालाई साथ नदिए देश श्रीलंका र युक्रेन बन्न सक्ने भन्दै चेतावनी दिएका थिए । ’ऋण लिएर देश चलाउने, अनुदान लिएर देश बनाउँछु भन्ने नेताहरुले देशलाई श्रीलंका बनाउँदैछन् । देश त्यही दिशामा गइरहेको छ । राजेन्द्र लिङ्देन भनेको होइन, अर्थशास्त्री र राष्ट्र बैंकले भनेको हो,’ लिङ्देनले भनेका थिए ।

 

 

देश कठिन अवस्थाबाट अघि बढेको भन्दै आर्थिक रुपमा पनि गम्भीर संकट उत्पन्न भएको बताए । यस्तै कांग्रेस, एमाले लगायत दलहरू समावेशी नभएको र ती दलहरूले परिवर्तन सम्भव नभएको उनले दाबी गरे ।

 

 

’देशमा जबर्जस्त संघीयता, धर्म निरपेक्षता स्वीकार गर्दा हामीलाई के भनिएको थियो । अहिले देशको अवस्था के छ ? संघीयता, धर्मनिरपेक्षता र संघीयता आएको १५–१७ वर्षको कुरा मात्रै होइन । २०४६ सालपछिको यो देश केही सीमित राजनीतिक दल र तिनका पनि सिमित नेताको मुठ्ठीमा कैद भएको छ,’ लिङ्देनले भने, ‘हामीले त्यसलाई अनुभूत गर्न र निर्णय गर्न सकेनौं भने असफल राष्ट्रको नियति भोग्ने छ ।’

(ekantipur.com बाट साभार)

kfg mit mart
Indreni
सम्वन्धित समाचार
Ganesh Samudayik Ban
जवाफ छाड्नुस्

Your email address will not be published.

8  +  1  =