एकीकृत समाजवादी अध्यक्ष माधवकुमार नेपालले आफ्नो पार्टीको अडानका कारण एमसीसी जस्ताको तस्तै अनुमोदन हुन नदिइएको बताएका छन्। एमसीसीको व्याख्यात्मक घोषणालाई महत्वपूर्ण उपलब्धिका रूपमा लिनुपर्ने नेपालको भनाइ छ।
‘एमसीसी जस्ताको तस्तै अनुमोदन गर्ने योजना ओली सरकारको थियो’, अध्यक्ष नेपालले मंगलबार पत्रकार सम्मेलनमा भने, ‘हाम्रो पार्टीले लिएको अडान र सचेतना अभियानको सफलता नै मान्नुपर्छ। हाम्रा कारण जस्ताको तस्तै पारित हुनबाट जोगियो।’
ओली नेतृत्वको अघिल्लो सरकारले एमसीसीलाई इन्डो–प्यासिफिक रणनीतिसँग पनि संलग्न गराउन खोजेको दाबी नेपालले गरे। त्यही सरकारले एमसीसीका विषयमा बढी भ्रम पैmलाएको आरोप उनले लगाए। ‘एमसीसीबारे प्रस्ट पार्नका लागि १२ बुँदे व्याख्यात्मक घोषणा आएको र त्यसमा विश्वास गर्ने आधार बनेको हो’, उनले भने, ‘जनताको भावनाको प्रतिनिधित्व गर्ने पार्टी एकीकृत समाजवादी हो। पार्टीले स्पष्ट भएर अघि बढ्नुपर्छ भनेर निर्णय गरेअनुसार अघि बढेका हौं। अहिले जनता पनि प्रस्ट भएका छन्।’ अन्नपूर्ण पोस्ट बाट सभार
Discussion about this post