महेन्द्रनगर । पञ्चेश्वर गाउँपालिकामा रहेका भूमिहीन, सुकुम्बासी र अव्यवस्थित बसोबासीहरुलाई जग्गा दिने प्रकृया फेरी सुरु भएको छ ।
सरकार परिवर्तनसँगै राष्ट्रिय भूमि आयोग खारेज भएपछि रोकिएको काम पुनः सुरु गर्न आइतवार सम्झौता भएको गाउँपालिका अध्यक्ष गोरखबहादुर चन्दले जानकारी दिए ।
आयोगको केन्द्रीय कार्यालय ताहाचलमा दोस्रो पटक सहमति पत्रमा हस्ताक्षर भएको छ । उक्त सहमति पत्रमा आयोगका तर्फबाट विज्ञ सदस्य टेक बहादुर शाह र पालिकाको तर्फबाट अध्यक्ष चन्दले हस्ताक्षर गरे ।
‘पालिकाभर करिब एक हजार घर परिवार सुकुम्बासी, भूमिहीन र अव्यस्थित बसोबासी रहेका छन् । उनीहरुलाई असारसम्म जग्गा दिने गरी काम सुरु गरिने छ,’ अध्यक्ष चन्दले सीमारेखासँग भने, ‘हामीले जग्गा खोजिसकेका छौं । त्यो जग्गा पालिकाको स्वामित्वमा ल्याएर भूमिहीन हरुलाई बितरण गर्ने छौं ।’ सीमारेखा डटकम बाट सभार
Discussion about this post