बैतडा सामुदायिक वन उपभोक्ता समुहले बेदकोट नगरपालिकालाई कोरोना रोकथाम तथा नियन्त्रणका लागि एक लाख पाँच हजार रुपैया सहयोग गरेको छ । बेदकोट नगरपालिका ४ नम्बर वडामा रहेको बैतडा सामुदायिक वनले नगरपालिकालाई कोडिभ १९ रोकथाम एव नियन्त्रणका लागि एक लाख ५ हजार रुपैया सहयोग गरेको हो ।
बैतडा सामुदायिक वनका उपाध्यक्ष राजुराम सार्कीले नगरपालिकाले कोडिभ १९ रोकथाम गरिरहेको कार्यलाई सघाउका लागि उक्त रकम लिएको बताए । उपाध्यक्ष सार्कीका अनुसार मंगलबार एक कार्यक्रमका विच नगर प्रमुख अशोक कुमार चन्दलाई चेक रकम बैतडा सामुदायिक वनका अध्यक्ष तोयराज अवस्थीले हस्तान्तरण गरेका छन् । नगर प्रमुख चन्दले कोडिभ १९रोकथाम तथा नियन्त्रणका लागि सहयोगी हातहरुप्रति आभार प्रकट गरेका छन् ।
